Samsung Electronics (KS:005930) компани гуравдугаар улирлын ашиг нь хүлээлтээс өндөр гарна гэж мэдэгдлээ.
Нийтэлсэн огноо: Tuesday October 14th, 2025
Дэлхийн хамгийн том санах ойн чип үйлдвэрлэгч Samsung Electronics (KS:005930) компани гуравдугаар улирлын ашиг нь хүлээлтээс өндөр гарна гэж мэдэгдлээ.
Ашгийн урьдчилсан тооцоо: 12.1 их наяд вон ($8.4 тэрбум)
Шинжээчдийн хүлээлт: 10.1 их наяд вон
Өнгөрсөн оны ашигтай харьцуулахад: 9.18 → 12.1 их наяд вон
Нийт борлуулалт: 86 их наяд вон (өмнөх оны 79.1 их наяд воноос өссөн)
Ашиг өсөхөд хиймэл оюун ухаантай холбоотой сервер болон чипний эрэлт голлон нөлөөлжээ. Мөн DRAM, NAND зэрэг уламжлалт санах ойн бүтээгдэхүүний эрэлт сэргэж байгаа нь эерэг дохио болж байна.
Samsung компани ойрын улирлуудад NVIDIA зэрэг AI чип үйлдвэрлэгчдэд өндөр хурдны HBM чип нийлүүлж эхлэхээр зэхэж байна.
Гуравдугаар улирлын албан ёсны тайланг 10 дугаар сарын сүүлээр нийтлэх юм.
Хиймэл оюун ухааны эрэлт Samsung-ийн урт хугацааны өсөлтийг хэр зэрэг дэмжинэ гэж та бодож байна вэ?
