Брокерын үйлчилгээ

Брокерын үйлчилгээ гэдэг нь хөрөнгө оруулалт хийх хүсэлтэй харилцагчид мэргэжлийн зөвлөгөө, зах зээлийн мэдээ мэдээлэлд суурилсан нарийвчилсан зөвлөмж өгөхөөс гадна Хувьцаа, Бонд, Хөрөнгөөр баталгаажсан үнэт цаас (ХБҮЦ) болон Биржээр арилжаалагддаг сангийн нэгж эрх зэрэг хөрөнгө оруулалтын хэрэгсэлд зуучилдаг үйлчилгээ юм.

Үнэт цаасны компани (брокер) нь хөрөнгийн зах зээлийн хамгийн сүүлийн үеийн мэдлэг, мэдээлэлтэй байж харилцагчдадаа хөрөнгө оруулалтын шийдвэр гаргахад нь туслах, санхүүгийн өгөөжийг нь нэмэгдүүлэх, эрсдэлийг нь удирдах зэрэг үүрэгтэй компани юм.

Манай компани нь дараах чиглэлээр үйлчилгээ үзүүлж байна:

1. Арилжаанд зуучлах – Дотоод болон Гадаад зах зээл дээрээс хувьцаа худалдан авах, зарах арилжаанд зуучлах үйл ажиллагааг хурдан, шуурхай, найдвартай гүйцэтгэх;
2. Эрсдэлийн удирдлага – Хөрөнгө оруулалтын аливаа эрсдэлийг бууруулах стратеги, харилцагчийн мөнгөн хөрөнгийн найдвартай, баталгаатай байлгах арга хэрэгслийг боловсруулах;
3. Зах зээлийн судалгаа – Монголын болон Дэлхийн зах зээлийн талаар тогтмол мэдээлэлтэй байж нарийвчилсан судалгаа, тайлан бэлтгэж нийт харилцагч нартаа мэдээллээ өөрийн сувгаар түгээх;

Яагаад биднийг сонгох ёстой вэ?

• Мэргэжлийн брокерууд болон зөвлөхүүдийн баг;
• Зах зээлийн нөхцөл байдалд нийцсэн хөрөнгө оруулалтын зөвлөгөө мэдээлэл авах боломж;
• Хэрэглэгчдийн эрх ашгийг хамгийн түрүүнд тавьсан, ил тод, мэргэжлийн үйлчилгээ;

Хэрхэн брокерын үйлчилгээг ашиглах вэ?

Эрхэм та, манай компанийн зах зээлд шинээр нэвтрүүлсэн арилжааны платформ болох “Unet SC” гар утасны аппликэйшнаар дамжуулж харилцагчаар бүртгүүлэн, хөрөнгө оруулалтын зорилгоо тодорхойлсноор өөрийн хүлээн зөвшөөрөх эрсдэлийн түвшинд тааруулж мэргэжлийн брокерын тусламж үйлчилгээг авах боломжтой юм.

Үнэт цаасны данс нээх

   Брокероор дамжуулан данс нээх

ХУВЬ ХҮН

• Иргэний үнэмлэх
• Дансны нээсний хураамж төлөх

ХУУЛИЙН ЭТГЭЭД

• Данс нээх хүсэлт
• Улсын бүртгэлийн гэрчилгээ (нотариатаар баталгаажуулсан хуулбар 2 хувь)
• Брокерын үйлчилгээ авах албан бичиг
• Данс удирдах эрх бүхий этгээдийн гарын үсэг, тамга/Нотариатаар баталгаажуулсан
• хуулбар 2 хувь/
• Данс удирдах эрх бүхий этгээдийн ажилд томилогдсон тушаал
• Данс удирдах эрх бүхий этгээдийн бичиг баримт
• Үнэт цаасны төвлөрсөн хадгаламжийн төвийн данс нээлгэх гэрээ

   Онлайнаар данс нээх

Харилцагч та онлайнаар данс нээлгэх бол “UNET SC” аппликейшныг татаж бүртгүүлэх боломжтой юм.

Аппликейшн татах линк: iOS хэрэглэгчид: https://shorturl.at/EtLUb Android хэрэглэгчид: https://shorturl.at/30yfe