ДОТООД МЭДЭЭ

Монголын хөрөнгийн бирж

САНХҮҮГИЙН ЗОХИЦУУЛАХ ХОРООНЫ 15 ДУГААР ХУРАЛДААН БОЛЛОО

Санхүүгийн зохицуулах хорооны ээлжит хуралдаан 9-р сарын 25-ны өдөр болж, нийт 42 асуудлыг хэлэлцэн шийдвэрлэлээ. Энэ удаагийн шийдвэрүүд нь үнэт цаас, банк бус санхүү, даатгал, үл хөдлөх хөрөнгө болон үнэт металл, үнэт чулууны арилжааны салбаруудыг хамарсан өргөн хүрээтэй байв.

Үнэт цаасны зах зээлд гаргасан гол шийдвэрүүд:

1. Хөрөнгө оруулалтын сан:

• • омпанийн хамтын хөрөнгө оруулалтын сан, хувийн хөрөнгө оруулалтын сан байгуулах баримт бичгийг бүртгэв.
  • 1 компанийн хөрөнгө оруулалтын баримт бичиг, дүрэм, нэгж эрхийн танилцуулгад өөрчлөлт оруулахыг зөвшөөрөв.

2.  Зах зээлийн оролцогчид:

• • 3 компанид дилерийн үйл ажиллагаа, хөрөнгө оруулалтын зөвлөхийн үйлчилгээ, хөрөнгөөр баталгаажсан үнэт цаас гаргах тусгай зөвшөөрөл олгов.
  • 2 компанийг үнэт цаасны зах зээлд аудитын болон хууль зүйн зөвлөгөө үзүүлэх хуулийн этгээдээр бүртгэв.

3. Бүртгэлийн өөрчлөлтүүд:

• • 1 компанийн хөрөнгөөр баталгаажсан үнэт цаасыг бүртгэлд оруулав.
  • 1 компанийн төлөгдөж дууссан өрийн бичгийг үнэт цаасны бүртгэлээс хасав.
  • 1 компанийн хувийн хөрөнгө оруулалтын сангийн баримт бичгийн бүртгэлийг хүчингүй тооцов.

ҮНЭТ ЦААСНЫ ЗАХ ЗЭЭЛИЙН АРИЛЖАА ӨНГӨРСӨН ОНЫХООС БАГАСЖЭЭ

Үнэт цаасны зах зээлийн арилжаагаар энэ оны эхний 8 сард 595.5 тэрбум төгрөгийн гүйлгээ хийжээ.

Энэ нь өмнөх оны мөн үеийнхээс 297.4 (33.3 хувь) тэрбум төгрөгөөр багассаныг Үндэсний статистикийн хороо мэдээлэв.

Үнэт цаасны нийт гүйлгээний 41.5 (247 тэрбум төгрөг) хувь нь анхдагч, 58.5 (348.5 тэрбум төгрөг) хувь нь хоёрдогч зах зээлийн гүйлгээ байна. Үнэт цаасны гүйлгээний 42.5 хувийг хөрөнгөөр баталгаажсан үнэт цаас, 21.6 хувийг компанийн хувьцаа, 21.0 хувийг компанийн бонд, 14.2 хувийг Засгийн газрын бонд, 0.8 хувийг хөрөнгө оруулалтын сангийн нэгж эрх эзэлж байгаа юма.  Үнэт цаасны гүйлгээ энэ оны наймдугаар сард 76.9 тэрбум төгрөгт хүрч, өмнөх оны мөн үеийнхээс 19.3 (33.4 хувь) тэрбум төгрөгөөр нэмэгдсэн бол өмнөх сарынхаас 11.6 (13.1 хувь) тэрбум төгрөгөөр багассан байна.

ТОП-20 дундаж индекс өнгөрсөн сард 48814.3 нэгж болж, өмнөх оны мөн үеийнхээс 160.4, өмнөх сарынхаас 591.4 нэгжээр буурсан байна. Хөрөнгийн зах зээлд үйл ажиллагаа явуулж буй хувьцаат компаниудын үнэт цаасны зах зээлийн үнэлгээ энэ оны наймдугаар сард 12.3 их наяд төгрөгт хүрч, өмнөх оны мөн үеийнхээс 35.5 (0.3 хувь) тэрбум төгрөгөөр багасаж, харин өмнөх сарынхааас 62.3 (0.5 хувь) тэрбум төгрөгөөр нэмэгджээ.

Эх сурвалж: Montsame

ГАДААД МЭДЭЭ

ДЭЛХИЙН ШИЛДЭГ САНХҮҮГИЙН ТӨВҮҮДИЙН ЖАГСААЛТЫГ НЬЮ-ЙОРК ТЭРГҮҮЛЖЭЭ

ЛОНДОН, 2025 оны есдүгээр сарын 26 /zyen.com/. АНУ-ын Нью-Йорк хот 2018 оны намраас хойш дэлхийн санхүүгийн төв болсон хотуудыг эрэмбэлдэг “Global Financial Centres Index”-т тэргүүлэх байр сууриа хадгалсан хэвээр байна гэж санхүүгийн зөвлөх үйлчилгээ үзүүлэгч Z/Yen группийн судлаачдын хамгийн сүүлд гаргасан тайланд дурджээ.

Сүүлийн хагас жилийн хугацаанд Нью-Йорк 3 оноо алдаж, нийт 766 оноо авсан байна. Харин хоёрдугаарт эрэмбэлэгдсэн Лондон хот оноогоо 3-аар ахиулснаар жагсаалтыг тэргүүлэгчээс ердөө 1 оноогоор (765 оноо) хоцорчээ. Лондоны араас Хонконг 764 оноогоор гуравдугаарт бичигдсэн байна.

Гуравдугаар сард нийтлэгдсэн дэлхийн шилдэг 10 санхүүгийн төвүүдийн өмнөх жагсаалттай харьцуулахад ямар нэгэн өөрчлөлт гараагүй байна. Жагсаалтын эхний тавд Сингапур, Сан-Франциско багтсан бол тус хотуудын дараа Чикаго, Лос-Анжелес, Шанхай, Шэньжэн, Сөүл оржээ. 

Дубай хот 11 дүгээр байр руу дээшилж, Франкфуртын өмнө бичигджээ Түүнчлэн Токио хот 7 байраар ахиж, 15 дугаарт, Цюрих 5 байраар урагшилж 16 дугаарт, Абу-Даби 10 байраар ахиж 28 дугаарт тус тус орсон байна. Харин Дублин 6 байраар ухарч 20 дугаарт, Амстердам 8 байраар ухарч 26 дугаарт эрэмбэлэгдсэн байна. 

Истанбул (19 байр) , Тайбэй (15 байр) хотууд жагсаалтад хамгийн олон байраар ахисан бол Мюнхен (21 байр) , Вена (17 байр) хотууд хамгийн олон байраар ухарчээ. 

Зүүн Европ ба Төв Азийн санхүүгийн төвүүд дундаас Астана тэргүүлж, 68 дугаар байрт жагссан байна.

Дэлхийн санхүүгийн төвүүдийн индексийг анх 2007 онд нийтэлсэн бөгөөд хагас жил тутамд шинэчилдэг. Энэ удаагийн индекс нь 38 дахь удаагийнх бөгөөд санхүүгийн үйлчилгээ үзүүлдэг 5000 орчим мэргэжилтний дунд явуулсан судалгаанд үндэслэн гаргажээ.

АЛТНЫ ҮНЭ ҮРГЭЛЖЛЭН ӨСӨХ ТӨЛӨВТЭЙ БАЙНА

ВАШИНГТОН, 2025 оны есдүгээр сарын 26 /Anadolu/. Геополитикийн эрсдэл, дэлхийн эдийн засгийн төлөвийн талаарх болгоомжлол, Төв банкуудын алтны эрэлт, Холбооны нөөцийн сангийн /ХНС/ бодлогын хүүгээ бууруулах шийдвэр зэргээс шалтгаалан алтны үнэ энэ онд 40 гаруй хувиар өсөөд байгаа ба 1979 оноос хойш нэг жилийн хугацаанд хамгийн их хувиар өсөх төлөвтэй байна.

Энэ он гарах үед нэг унц алтны үнэ 2623 ам.доллартой тэнцэж байсан юм. Улмаар нэгдүгээр сард өмнөх сарынхаас 6.67 хувь, хоёрдугаар сард 2.17 хувь, гуравдугаар сард 9.26 хувь, дөрөвдүгээр сард 5.26 хувь, тавдугаар сард 0.03 хувь, зургаадугаар сард 0.41 хувиар тус тус өссөн байна.

Харин долоодугаар 0.39 хувиар буурсан боловч наймдугаар сард эргэн 4.8 хувиар өсөж, есдүгээр сард 8.54 хувиар өсжээ. Ийнхүү унц алтны үнэ түүхэн дээд түвшинд буюу 3791 ам.долларт хүрснээр он гарснаас хойш 43 орчим хувиар өсөөд байна. Ингэснээр 1979 оноос хойш алтны үнэ жилийн хугацаанд 126.5 хувиар өсжээ.

“Capital Economics” компанийн уур амьсгал, түүхий эдийн эдийн засагч Хамад Хуссейн “Anadolu” агентлагт мэдээлэхдээ, АНУ-д бодлогын хүүг бууруулах магадлал нэмэгдэж, ХНС-гийн хараат бус байдал, өрийн тогтвортой байдалтай холбоотой болгоомжлол үүссэн нь алтны үнийг түүхэн дээд түвшинд хүрэхэд нөлөөлсөн байна.

“Төв банкны худалдан авалт, Хятад дахь хөрөнгө оруулагчдын эрэлт зэрэг хэд хэдэн хүчин зүйлээс шалтгаалан алтны үнийн өсөлт үргэлжлэх хандлагатай байна. Үүний үр дүнд ирэх онд унц алтны үнэ 4000 ам.долларт хүрэх магадлалтай” гэж тэрбээр нэмж хэлжээ.

Wall Street

УОЛЛ СТРИТИЙН ЗАХ ЗЭЭЛ ДОЛОО ХОНОГ ДАРААЛАН ҮРГЭЛЖИЛСЭН ӨСӨЛТӨӨ ЗОГСООВ.

💰НЬЮ-ЙОРК, 9-р сарын 26 (Ройтерс) – Баасан гарагт Уолл Стритийн индексүүд өссөн ч долоо хоногийн алдагдлыг арилгахад хангалтгүй байлаа. Харин хэрэглэгчийн тогтвортой хэрэглээ нь урт хугацаат Засгийн газрын үнэт цаасны өгөөжийг дэмжиж, инфляцын тогтвортой үзүүлэлт нь Холбооны Нөөцийн сангийн (ХНС) ирээдүйн хүү бууруулалтын хүлээлтийг нэмэгдүүлсэнээр алтны ханш өсөв.

🔹 Хэрэглээ, инфляцын мэдээлэл

• 8-р сард хэрэглээний зардал таамгаас арай өндөр өссөн
• Инфляц 7-р сарын 2.6%-иас 2.7% болж нэмэгдсэн нь эдийн засагчдын хүлээлттэй нийцэв.
• Зарим компаниуд тарифын дарамтыг урьдчилан бэлтгэсэн бараа материалын тусламжтайгаар даван туулсан ч ойрын хэдэн долоо хоногт гарах санхүүгийн тайлангуудын өмнө тодорхой хэлбэлзэл гарах төлөвтэй.

🔹 Хувьцааны хөдөлгөөн

• Dow Jones Industrial Average (.DJI) +0.65%
• S&P 500 (.SPX) +0.59%
• Nasdaq Composite (.IXIC) +0.44%

Цагаан ордны шинэ тарифууд эм, ачааны машин зэрэг бараанд нөлөөлж, хувьцааны ханшинд тодорхой өөрчлөлт авчрав.

• 🚛 Paccar (PCAR.O) +5% 
• 💊Eli Lilly (LLY.N) +1.5% 

Richmond-ийн Холбооны Нөөцийн банкны Ерөнхийлөгч Томас Баркин Bloomberg-т өгсөн ярилцлагадаа тарифууд эдийн засагт үргэлжлэн нөлөөлж байгаа тул инфляцын таамагт маш бага итгэлтэй байгаагаа мэдэгдэв

Засгийн газрын боломжит хаалт нь мөн тодорхойгүй байдал нэмэгдүүлж, хөрөнгө оруулагчдын ойрхон хардаг эдийн засгийн мэдээллийн гарцыг тасалдуулж болзошгүй.

 💡 Алт:

1. Хүүний түвшин бага орчинд өсөлт үзүүлдэг алт сүүлийн өсөлтөө хадгалсан хэвээр.
2. Спот үнэ: $3,766.25 / унц (+0.46%) 💎

🔹 ХНС-ийн хүү, хүлээлт

• 10-р сард хүү бууруулах магадлал: 89.8%
• 2-р сард дахин бууруулах магадлал: 67%
• ХНС өнгөрсөн долоо хоногт энэ оны эхний хүү бууруулалтаа хийсэн бөгөөд цаашид зөөлрүүлэх бодлого үргэлжилнэ гэж дохио өгсөн. ⚖️
• ХНС-ийн дарга Жером Пауэл мягмар гарагт хэлсэн үгэндээ өндөр инфляцын эрсдэлийг сулралтай ажлын зах зээльай зэрэгцүүэн тэнцвэржүүлэх шаардлагатайг онцлов.

🔹 Эрчим хүч, нефть

• Украин дроны халдлага Оросын дэд бүтцийг гэмтээж, экспорт буурснаар нефтийн үнэ өсөв.
• Brent фьючерс: $70.13 / баррель (+1.02%)
• WTI фьючерс: $65.72 / баррель (+1.14%)

💡 Товч дүгнэлт:

Хэрэглэгчийн зарцуулалт, инфляцын тогтвортой үзүүлэлт, ХНС-ийн хүү бууруулах хүлээлт нь хөрөнгийн зах зээлийг дэмжиж, алтны ханш болон үнэт цаасны өгөөжид эерэг нөлөө үзүүлж байна. Хөрөнгө оруулагчид ХНС-ийн шинэ мэдэгдэл, инфляцын мэдээлэлд анхааралтай байх шаардлагатай.

📢Багаас эхэл, томыг зорь. UNET SC чамтай хамт алхана.🤝
Та хөрөнгө оруулалтыг хаанаас эхлэхээ мэдэхгүй байна уу? Бид танд тусалъя.

ДОТООД МЭДЭЭ

Монголын хөрөнгийн бирж

“ГОВЬ” ХК-ИЙН ХУВЬЦАА ЭЗЭМШИГЧДИЙН АНХААРАЛД

“Монголын хөрөнгийн бирж” хувьцаат компани (МХБ)-д бүртгэлтэй “Говь” ХК нь 2025 оны 9 дүгээр сарын 8-ны өдрийн хувьцаа эзэмшигчдийн ээлжит бус хурлаар компанийн хэлбэрийг хязгаарлагдмал хариуцлагатай компани болгох замаар өөрчлөх шийдвэрийг гаргасан байна.

Тус шийдвэрийн дагуу компанийн Төлөөлөн удирдах зөвлөл нь хувьцааг эргүүлэн худалдан авах, хувьцааны үнийг тогтоох болон хувьцаа эзэмшигчдийн шаардах эрхийг хэрэгжүүлэх журмыг баталж, Компанийн тухай хууль болон МХБ-ийн “Үнэт цаасны бүртгэлийн журам”-ын дагуу үнэт цаасны бүртгэлээс хасагдах хүсэлтийг холбогдох баримт материалын хамт МХБ-д ирүүлээд байна.

“Монголын хөрөнгийн бирж” ХК нь “Говь” ХК-ийн хэлбэрийг өөрчлөхтэй холбоотой гарсан хувьцаа эзэмшигчдийн хурал болон ТУЗ-ийн шийдвэр, компанийг өөрчлөх төсөл, аудит, хөрөнгийн үнэлгээний тайлан, дүгнэлт, хувьцааг эргүүлэн худалдан авах хувьцааны үнэ, хувьцаа эзэмшигчдийн шаардах эрхийг хэрэгжүүлэх ажиллагаа болон жижиг хувьцаа эзэмшигчдийн эрх тэргүүн ээлжид хамгаалагдаж байгаа эсэхийг судалж байна.

Компанийн тухай хуулийн 18 дугаар зүйлийн 18.7, Үнэт цаасны зах зээлийн тухай хуулийн 63 дугаар зүйлийн 63.1.10-д тус тус заасны дагуу Санхүүгийн зохицуулах хорооноос зөвшөөрөл өгч, тухайн компанийн хувьцааг бүртгэлээс хасах шийдвэр гарсны дараа хувьцаат компани хэлбэрээ өөрчлөх нөхцөл бүрддэг.

Санхүүгийн зохицуулах хорооноос “Говь” ХК-ийн хувьцааны арилжааг зогсоох шийдвэр гарах хүртэл тус компанийн хувьцаа МХБ-ээр хэвийн арилжаалагдах болохыг тус компанийн хувьцаа эзэмшигчдэд мэдэгдэж байна.

Эх сурвалж: /Marketinfo/

МӨНГӨНИЙ БОДЛОГЫН ХҮҮГ ХЭВЭЭР ХАДГАЛНА

Улаанбаатар, 2025 оны есдүгээр сарын 16 /МОНЦАМЭ/. Монголбанкны Мөнгөний бодлогын хорооны энэ сарын 15, 16-ны өдрийн хурлаар эдийн засаг, банк, санхүүгийн зах зээлийн өнөөгийн байдал, дотоод, гадаад орчны төлөв, эрсдэлийг харгалзан бодлогын хүүг 12 хувьд хэвээр хадгалах шийдвэр гаргалаа.

Энэ нь инфляцыг дунд хугацаанд зорилтот түвшинд тогтворжуулах, эдийн засаг, санхүүгийн салбарын тогтвортой байдлыг бэхжүүлэх зорилттой нийцжээ. Цаашид гадаад, дотоод эдийн засгийн орчинд гарах өөрчлөлт, инфляц, эдийн засгийн төлөв хэрхэн өөрчлөгдөхөөс хамаарч Мөнгөний бодлогын хороо бодлогын дараагийн алхмыг тухай бүр авч хэрэгжүүлэх аж. 

Манай улсын жилийн инфляц энэ оны 8 дугаар сард улсын хэмжээнд 8.8, Улаанбаатар хотод 9.8 хувьтай байв. Инфляц энэ оны хоёрдугаар сараас эхлэн мөнгө, санхүүгийн бодлогын төлөвийг шат дараатай хатууруулсан нөлөөгөөр алгуур саарсан ч 8 дугаар сард мах, хүнсний ногоо, гурилын үнэ харьцангуй нэмэгдсэн нь хүнсний инфляцыг өмнөх сарынхаас нэмэгдүүлжээ.

Цаашид инфляц алгуур буурч, 2026 онд зорилтот интервалд орох төсөөлөлтэй байна. Гэвч Засгийн газраас хэрэгжүүлэх төслүүд, түүний санхүүжилт, экспортын орлого, валютын ханшийн төлөв, нийлүүлэлт, цаг агаараас шалтгаалсан хүнсний үнийн өөрчлөлт зэрэг нь инфляцыг өдөөж болзошгүйг Монголбанкны захирал Б.Лхагвасүрэн мэдээлэв. 

Эх сурвалж: /Marketinfo/

ГАДААД МЭДЭЭ

“NVIDIA” КОМПАНИ “INTEL”-Д 5 ТЭРБУМЫН ХӨРӨНГӨ ОРУУЛНА

ВАШИНГТОН, 2025 оны есдүгээр сарын 19 /AP/. Чип үйлдвэрлэлээр дэлхийд тэргүүлэгч “Nvidia” компани таван тэрбум ам.долларын хөрөнгө оруулалтыг “Intel” компанид хийхээр болсноо пүрэв гарагт зарлаж, хүнд нөхцөл байдалд ороод буй хагас дамжуулагч үйлдвэрлэгч компанитай хамтран ажиллана гэдгээ мэдэгджээ.

“Nvidia”-гийн мэдэгдсэнээр, “Intel”-ийн энгийн хувьцааг худалдаж авахад таван тэрбум доллар зарцуулах бөгөөд нэгж хувьцааг 23.28 ам.доллароор үнэлэх ажээ. Зохицуулах байгууллагаас зөвшөөрөл авах ёстой уг хөрөнгө оруулалтын талаарх мэдэгдлийг АНУ-ын Засгийн газар “Intel”-ийн хувьцааны 10 хувийг худалдаж авснаас хойш нэг сарын дараа хийж байна.  

“Nvidia”-гийн гүйцэтгэх захирал Женсен Хуан үүнийг “дэлхийн жишигт нийцсэн хоёр платформын нэгдэл” гэж нэрлээд, ингэснээр ихэнх зөөврийн компьютерыг ажиллуулдаг CPU гэгддэг чипүүдийг үйлдвэрлэх “Intel”-ийн хүчин чадлыг хиймэл оюун ухаанд чухал ач холбогдолтой тусгай график чипүүдэд түлхүү анхаарал хандуулж буй “Nvidia”-гийн үйл ажиллагаатай хослуулна гэлээ.

“Энэхүү хамтын ажиллагаа нь тооцоолол үндсээрээ өөрчлөгдсөнийг хүлээн зөвшөөрсөн явдал болж байна. Хурдасгасан, хиймэл оюун ухаант тооцооллын эрин үе ирж байна” гэж Ж.Хуан пүрэв гарагт сэтгүүлчдэд хэлжээ. Дээрх мэдээг цацагдсаны дараа “Intel”-ийн хувьцааны ханш 23 орчим хувиар өссөн нь 1987 оноос хойших нэг өдрийн хамгийн том өсөлт боллоо. Мөн “Nvidia”-гийн хувьцааны ханш 3 гаруй хувиар өсжээ.

Энэхүү гэрээ нь суурин компьютерын хэрэглээний өсөлтийн ачаар олон арван жилийн турш ашигтай ажиллаж байсан Цахиурын хөндийн анхдагч компани болох “Intel”-ийн хувьд чухал үйл явдал болж байгаа юм. 2007 онд iPhone гар утсыг танилцуулснаар эхэлсэн гар утасны эрин үед шилжиж чадаагүйн улмаас тус компани уналтад орсон билээ.

“Nvidia”-г дэлхийн хамгийн үнэ цэнэтэй компани болгож чадсан хиймэл оюуны хөгжлийн үед “Intel” улам бүр хол хоцорчээ. “Intel” өнгөрсөн онд ойролцоогоор 19 тэрбум ам.доллар, энэ оны эхний зургаан сард дахин 3.7 тэрбум ам.долларын алдагдал хүлээсэн бөгөөд 2025 оны эцэс гэхэд ажиллах хүчээ дөрөвний нэгээр бууруулах төлөвтэй байгаа юм.

АНУ-ын Ерөнхийлөгч Дональд Трампын засаг захиргаа өнгөрсөн сард тус компанийн хувьцааны 10 хувийг /нэгж хувьцааг 20.47 ам.доллароор/ худалдан авснаар “Intel”-ийн хамгийн том хувьцаа эзэмшигчдийн нэг болсон юм. Технологийн салбар, дотоодын үйлдвэрлэлийг дэмжихийн тулд “Intel”-д хөрөнгө оруулалт хийсэн гэж албаны хүмүүс мэдэгдсэн билээ.

Wall Street

🟡 Алтны үнэ өсөж, ХНС-ийн шийдвэрээс хойш зах зээлийн анхаарлын төвд орлоо

📅 2025 оны 9-р сарын 19 (Reuters) — Баасан гарагт алтны үнэ өсөж, тав дахь долоо хоногийн дараалан өсөлтөө хадгаллаа. АНУ-ын Холбооны Нөөцийн Сан (ХНС) энэ жил анх удаа бодлогын хүүгээ бууруулсны дараа хөрөнгө оруулагчид ирээдүйн мөнгөний бодлогын чиглэлийг илүү анхаарч байна.

• Spot алт Баасан гарагийн байдлаар 0.8%-иар өсөж, нэг унц нь $3,672.08 хүрэв. Энэ долоо хоногт нийтдээ 0.8%-иар өсөөд байна.
• АНУ-ын 12-р сарын алтны фьючерс 0.7%-иар өсөж, $3,705.80 дээр хаагдлаа.

АНУ-ын төв банк Лхагва гарагт бодлогын хүүгээ 25 суурь нэгжээр бууруулсан ч инфляц өндөр хэвээр байгаа талаар анхааруулснаар, цаашид хүүг хэр хурдан бууруулах нь тодорхой бус хэвээр байна.

📈 ХНС-ийн шийдвэрийн дараа алтны үнэ огцом савлаж, нэг унц нь $3,707.40 хүрч түүхэн дээд түвшинд хүрээд буцсан.

📉 ХНС Миннеаполисын Ерөнхийлөгч Нийл Кашкари:

• Ажлын байрны эрсдэл энэ долоо хоногийн хүү бууруулалтын гол шалтгаан болсон.
• Ирэх хоёр хуралдаанд дахин хүү бууруулах магадлалтай гэж мэдэгджээ.

 💡 Алтны үнэ өсөх шалтгаан:

1. Хүү буурах үед өгөөж өгдөггүй хөрөнгө болох алтыг хадгалах “алдагдсан боломжийн зардал” буурдаг.
2. Мөн тодорхойгүй байдал өндөр үед алтны үнэ өсөх хандлагатай.
3. 2025 он гарснаас хойш алт бараг 40%-р өсөөд байна.

🌏 Бусад орны нөхцөл байдал:

• • Энэтхэгт алтны биет худалдааны нэмэлт төлбөр (premium) 10 сарын дээд түвшинд хүрсэн. Баярын улирал ойртож буй ч үнэ өндөр байгаагаас үл хамааран хөрөнгө оруулагчид алтаа худалдан авч байна.
  • Хятадад алтыг хямдралтай (discount) зарж байгаа нь 5 жилийн дээд түвшинд хүрэв.

 Бусад үнэт металлуудын ханш:

• Мөнгө (Silver): +2.2% өсөж $42.70 хүрэв.
• Платин (Platinum): +1.4% өсөж $1,403.02 хүрэв.
• Паллади (Palladium): $1,150.04 дээр тогтвортой байсан ч долоо хоногийн бууралтад орж байна.

💬 Хаберкорн хэлэхдээ:

“Алт өндөр үнэтэй болж буй тул олон хөрөнгө оруулагчид мөнгө болон платинд хандаж байна. Эдгээр нь алттай харьцуулахад илүү боломжийн үнэтэй байгаа учир хөрөнгө оруулалт татаж байна” гэжээ.

📢Өнөөдрөөс хөрөнгө оруулж эхэлье! 🚀📈
Unet SC апп-аа татаж амжаагүй бол яг одоо татаж аваарай. Хөрөнгө оруулагч болоход хаанаас эхлэхээ мэдэхгүй байгаа бол бид тусалъя⬇️