7 хоногийн тойм: 💥Хүү, хувьцаа, крипто — бүгд хөдөлж байна!

Дотоод мэдээ

🏦 Монголбанк бодлогын хүүг 2 нэгж хувиар огцом өсгөж, 12 хувьд хүргэлээ

• Монголбанкны Мөнгөний бодлогын хороо ээлжит хурлаараа бодлогын хүүг 2 нэгж хувиар өсгөн, 12 хувьд хүргэх шийдвэр гаргалаа. Ингэснээр Төв банк 2024 оны эхнээс хойш зөөлрүүлэх чиглэлтэй байсан мөнгөний бодлогоо өөрчилж, эргэн чангаруулж байна.
• Үүний зэрэгцээ банкнаас иргэдэд шинээр олгох болон нөхцөлийг нь өөрчлөх хэрэглээний зээлийн өр, орлогын харьцааны дээд хязгаарыг 50 хувьд шинэчлэн тогтоохоор шийдвэрлэсэн.

Эх сурвалж: (BLOOMBERG)

📊1072 хувьцааны ногдол ашгаа өсгөх боломжтой

• “Эрдэнэс Тавантолгой” ХК өнгөрсөн оны цэвэр ашгаас 1072 хувьцаатай иргэн бүрд 350 мянган төгрөгийн ногдол ашиг хуваарилах тооцоо гарч, гурав хувааж олгохоор шийдвэрлэсэн юм. Иймд ногдол ашгаараа нэмэлт ногдол ашиг олох хөрөнгө оруулалтын боломжийг Монголын Хөрөнгийн бирж санал болгож байна.
• Өөрөөр хэлбэл, ногдол ашиг хүртэх эрхтэй хувьцаа эзэмшигчдийн бүртгэлийн өдөр тогтоогдохоос өмнө компаниудын хувьцааг худалдан авч, дахин ногдол ашиг хүртэх боломжтой. Ингэснээр иргэд ногдол ашгийн мөнгөөрөө худалдан авсан хувьцаанаасаа дахиад нэмэлт ногдол ашиг хүртэх боломжийг нээж байгаа юм.

Гадаад мэдээ

📉Тарифын хязгаарлалт & Зах зээлийн савлагаа

Сүүлийн өдрүүдэд АНУ-ын Ерөнхийлөгч Дональд Трампын тарифын бодлого зах зээлд огцом уналт үүсгэв. Тэрбээр ган болон хөнгөн цагааны импортод өндөр тариф ногдуулах шийдвэр гаргаснаар хөрөнгө оруулагчдын итгэл сулрав. Үүний улмаас Nasdaq, S&P 500, Dow Jones зэрэг гол индексүүд техник шугамуудаасаа доош унаж, зах зээл тогтворгүй байдалд орлоо.

•  Tesla, JPMorgan, Netflix зэрэг томоохон хувьцаанууд огцом буурсан.
• АНУ – ын ерөнхийлөгч “глобалистуудыг” зах зээлийн савлагааны шалтгаан хэмээн тодорхойлсон.
• Энэ бодлого нь олон улсын худалдааны эрсдлийг нэмэгдүүлж, зах зээлд тодорхойгүй байдлыг бий болгож байна.

📊Эдийн засгийн гол үзүүлэлтүүд – Инфляцын хүлээлт нэмэгдэж байна

Энэ долоо хоногт хөрөнгө оруулагчид АНУ-ын инфляцын гол хэмжүүр болох CPI (Хэрэглээний үнийн индекс)-ийг анхаарч байна. Энэхүү үзүүлэлт нь Холбооны Нөөцийн Сангийн ирээдүйн бодлогын чиг хандлагыг тодорхойлох гол шалгуур юм.

• CPI мэдээлэл 3-р сарын 13-нд зарлагдана.
• Мөн PPI (Үйлдвэрлэгчийн үнийн индекс) болон Мичиганы их сургуулийн хэрэглэгчийн итгэлийн индекс зэрэг мэдээллүүд гарна.
• Oracle, Adobe зэрэг технологийн салбарын компаниудын орлого мөн зах зээлийн хандлагад нөлөөлөх төлөвтэй байна.

➡ Хөрөнгө оруулагчдад зөвлөмж: Инфляц өндөр гарвал хүү бууруулах боломж багасна, тиймээс өрийн үнэт цаас болон өсөлттэй салбарын хувьцаанд анхаарал хандуулах хэрэгтэй.

Эх сурвалж: (INVESTOPEDIA)

⚠️ Засгийн газрын зогсолтын магадлал – Политик эрсдэл өндөр байна

3-р сарын 14 хүртэл АНУ-ын Конгресс төсвийн асуудлаа шийдвэрлэж чадахгүй бол Засгийн газрын үйл ажиллагаа түр хугацаагаар зогсох эрсдэлтэй. Энэ нь зах зээлд итгэл бууруулах шалтгаан болж байна.

• Татварын өөрчлөлт, төсөв, тариф зэрэг олон талт асуудлууд улс төрийн хямрал үүсгэж байна.
• Сүүлийн үед үүссэн улстөрийн савлагаа нь бондын зах зээлийг харьцангуй тогтвортой болгож байгаа ч хувьцааны зах зээлд сөрөг нөлөө үзүүлж байна.

Эх сурвалж: (YAHOO NEWS)

📉 Хувьцааны зах зээлд хямрал үүсэв – Яагаад хувьцааны ханш унаж байна вэ?

Өнгөрсөн долоо хоногт дэлхийн хөрөнгийн зах зээл хүчтэй уналттай тулгарлаа. BBC News-ийн мэдээлснээр энэхүү савалгааны гол шалтгаан нь хөрөнгө оруулагчдын эдийн засгийн өсөлт болон инфляцын талаарх болгоомжлол, мөн төв банкуудын ирээдүйн бодлогын тодорхойгүй байдалтай холбоотой байна.

🔍Гол хүчин зүйлүүд:

• Инфляцын өндөр хүлээлт: Хүү буурах төлөв хойшлогдох магадлал нэмэгдсэн.
• Технологийн хувьцааны огцом бууралт: Топ технологийн компаниудын хувьцаа (жишээ нь, Tesla, Apple, Meta) буурч, Nasdaq индексийг хүчтэй доош татав.
• Эдийн засгийн зогсонги байдал: Хөрөнгө оруулагчид эдийн засгийн өсөлт саарч болзошгүй гэсэн болгоомжлолтой байна.

Эх сурвалж: (BBC NEWS)

Дүгнэлт

• Зах зээлийн тогтворгүй байдал үргэлжилж буй энэ үед портфолиогоо төрөлжүүлэх, өрийн хэрэгслүүдэд анхаарал хандуулах, зэс, эрчим хүч, хүнс зэрэг салбаруудад хяналттайгаар хөрөнгө оруулах нь оновчтой юм.
• Инфляцын үзүүлэлтүүд болон улс төрийн шийдвэрүүдийг анхааралтай хянаж, хэт идэвхтэй хөдөлгөөнөөс сэргийлэхийг зөвлөж байна.