ДОТООД МЭДЭЭ

Монголын хөрөнгийн бирж

🟣”ПРЕМИУМ НЭКСУС” ХК ХУВЬЦААГАА БУЦААН ХУДАЛДАН АВАХ САНАЛ ГАРГАЛАА. 

“Премиум Нэксус” ХК-ийн нэгдмэл сонирхол бүхий хувьцаа эзэмшигчид тус компанийн гаргасан нийт энгийн хувьцааны 75 хувь буюу түүнээс дээш хувийг эзэмших болсон тул Компанийн тухай хуулийн 53 болон 54 дүгээр зүйлийг үндэслэн бусад энгийн хувьцаа эзэмшигчид нь компаниас хувьцаа эргүүлэн худалдаж авахыг шаардах эрхийг хэрэгжүүлэх шийдвэрийг тус компанийн Төлөөлөн Удирдах Зөвлөл гаргасан байна.

Эх сурвалж: /Marketinfo/

ГАДААД МЭДЭЭ

АНУ-ЫН ХӨДӨЛМӨРИЙН ЗАХ ЗЭЭЛИЙН ӨСӨЛТ АЗИЙН ЗАХ ЗЭЭЛД СЭРГЭЛТ АВЧИРЛАА

АНУ-ын хувийн хэвшил өнгөрсөн сард 42,000 шинэ ажлын байрыг нэмсэн нь эдийн засгийн эерэг нөлөө үзүүлж, хөрөнгө оруулагчдын итгэлийг сэргээв. Энэ үзүүлэлт сүүлийн өдрүүдэд уналттай байсан Азийн зах зээлд сэргэлт авчирч, богино хугацаанд тогтворжлоо.

Тухайлбал 2.5 хувиар унаад байсан Японы “Nikkei” индекс 1.5 хувиар өсөж, БНСУ-ын “Kospi” 2 хувиар өсөлт үзүүлжээ. Ази, Номхон далайн бүсийн бусад гол индексүүд дунджаар 0.3 хувиар өссөн нь бүс нутгийн нийт хандлага өөрчлөгдөж буйг харуулж байна. Зах зээлд тогтворжсон нэг хүчин зүйл нь АНУ-ын төрийн бондын өгөөжийн түвшин юм. 10 жилийн хугацаатай бондын өгөөж 4.2 хувь, хоёр жилийнх 3.62 хувьтай тогтвортой байгаа нь эрсдэл багатай хөрөнгө оруулалтын орчин бүрдүүлж байна.

Түүнчлэн технологийн салбарын “хөөсөрсөн” гэгдэж байсан үнэлгээ буурч, тайлангийн үр дүн эерэг гарсан нь хөрөнгө оруулагчдын итгэлийг нэмэгдүүлжээ. Валютын зах зээлд ам.доллар иений эсрэг 0.15 хувиар суларсан бол еврогийн эсрэг 0.11 хувиар өссөн байна. Харин түүхий эдийн зах зээл тогтвортой байж, “Brent” төрлийн газрын тос нэг баррель нь 86.95 ам.доллар, “WTI” төрлийнх 83.52 ам.доллараар арилжаалагджээ

“FIGMA” СТАРТАП НЬЮ-ЙОРКИЙН ХӨРӨНГИЙН БИРЖИД 1.2 ТЭРБУМ АМ.ДОЛЛАРЫН IPO ГАРГАЛАА

Дизайн технологийн “Figma” компани анх удаа олон нийтэд хувьцаагаа санал болгож, Нью-Йоркийн хөрөнгийн биржид 1.2 тэрбум ам.долларын IPO амжилттай гаргалаа. Нээлтийн дараа хувьцааны үнэ 33 ам.доллараас 44 ам.долларт хүрч, үнэлгээ нь 229 хувиар өссөн нь хөрөнгө оруулагчдын итгэлийг харууллаа. Энэ өсөлт технологийн салбарын хамгийн анхаарал татсан IPO-уудын нэг болж, шинжээчид “Figma”-г шинэ үеийн бүтээлч программ хангамжийн тэргүүлэгч компани гэж нэрлэлээ.

Компанийн 2025 оны гуравдугаар улирлын санхүүгийн үзүүлэлтүүд хүлээлтээс давж, нийт орлого 274.2 сая ам.долларт хүрсэн нь өмнөх оны мөн үеэс 38 хувиар өссөн дүн байв. Үйл ажиллагааны ашигт байдал 12 хувьтай гарсан бөгөөд компанийн хувьцаанд ногдох ашиг 10 цент байлаа.

Гэсэн хэдий ч өргөтгөл болон судалгаа, хөгжлийн өндөр зардлын улмаас компанийн цэвэр алдагдал 1.10 тэрбум ам.долларт хүрч, өмнөх оны 15.6 сая ам.долларын алдагдлаас эрс өсжээ. Санхүүгийн энэ дарамт богино хугацаанд эрсдэл үүсгэж болох ч шинжээчид урт хугацаанд хэрэглэгчийн баазын өсөлт орлогоо нөхнө гэж үзэж байна. Хэрэглэгчийн тоо, ялангуяа байгууллагын түвшний харилцагчдын тоо эрчимтэй нэмэгдэж буй нь Figma-ийн бизнесийн загвар тогтвортой өсөлтийн замд орсны дохио болов. Жилд 100,000 ам.доллараас дээш төлбөртэйгээр үйлчилгээ авч буй 1,262 байгууллага платформыг ашиглаж байгаа нь бүтээгдэхүүний орлогын чадавхийг тод харуулж байна.

Компанийн гол шинэчлэл болох generative хиймэл оюунд суурилсан Figma Make үйлчилгээ хэрэглэгчдийг татах, хадгалах гол хөшүүрэг болсон. Гүйцэтгэх захирал Дилан Филдийн мэдээлснээр, энэ үйлчилгээ гуравдугаар улиралд шинэ хэрэглэгчдийн өсөлтийн гол шалтгаан байжээ.

Мөн Figma 2025 оны аравдугаар сарын 30-нд Weavy компанийг худалдан авснаар интерактив хамтын ажиллагааны чиглэлд өрсөлдөх чадвараа нэмэгдүүлэв. Үнийн шинэчлэл болон бүтээгдэхүүний хөгжлийн дараагийн шатны талаар тодорхой мэдээлэл хараахан гараагүй байгаа ч компанийн урт хугацааны стратегийн төвд AI болон багийн уялдаа бүхий экосистем бий болгох зорилт хэвээр байна.

IPO-ийн дараах зах зээлийн хүчтэй хариу үйлдэл болон улирлын дүнгийн өсөлт Figma-г технологийн стартапуудын дундаас онцгойрон ялгаруулж байна. Компанийн ирээдүйг өөдрөгөөр харж буй хөрөнгө оруулагчид “Figma бол бүтээлч технологийн дараагийн тэргүүлэгч” гэж үзэж байгаа нь тус компанийн үнэлгээг улам бэхжүүлэх хандлагатай байна.

Wall Street

УОЛЛ СТРИТ SHUTDOWN СААРМАГЖИХ ШИНЖ ТЭМДЭГ ИЛЭРСНЭЭР ХОЛИМОГ ҮЗҮҮЛЭЛТТЭЙ ХААГДЛАА.

Уолл Стрит — Эдийн засгийн болгоомжлол, Засгийн газрын хамгийн урт хугацааны шатдаун болон өндөр үнэлгээтэй технологийн хувьцаануудын дарамтаас шалтгаалан Nasdaq уналттай хаагдав

НЬЮ-ЙОРК, 11-р сарын 7 (Reuters) — Баасан гарагт Nasdaq уналттай хаагдсан ч S&P 500 болон Dow Jones сүүлийн төгсгөлд бага зэрэг өсөлтөөр хаагдаж, хөрөнгө оруулагчид эдийн засгийн эрсдэлийн дүүрэн “Roller-coaster” долоо хоногийг дуусгаж байна. Энэ долоо хоногт АНУ-ын хамгийн урт үргэлжилсэн засгийн газрын shutdown болон технологийн хувьцааны хэт өндөр үнэлгээ нь эрсдэлийн дуршлыг бууруулж байв.

Гурван гол индекс өдрийн ихэнх хугацаанд огцом уналттай байсан ч сүүлийн мөчид уналт нь багасаж, S&P 500 болон Dow Jones эерэгээр эргэж хаагдсан. Энэ нь Конгресс дахь мухардмал байдлыг шийдэх талаар ахиц гарсан гэх мэдээллээс үүдэлтэй.

—Терри Сэндвен, U.S. Bank Wealth Management-ийн ахлах стратегич

“Shutdown шийдэгдэнэ гэдэг нь хөрөнгө оруулагчдын сэтгэл зүйг мэдэгдэхүйц сайжруулна. Ялангуяа зах зээл дээд түвшинд, үнэлгээ өндөр үед ийм эрсдлийг арилгах нь чухал”

📉 Долоо хоногийн дүн

Гурван индекс бүгд өнгөрсөн долоо хоногоос буурсан:

• Nasdaq — 3-р, 4-р сарын үеэс хойших хамгийн том долоо хоногийн уналт
  → AI холбоотой хувьцаануудын хэт өндөр үнэлгээний болгоомжлол эрчээ авч байна.

“Өсөлт ба засвар — буулт, хэлбэлзэл бол аливаа “bull market”-ийн хэвийн мөчлөг”

😟 Сэтгэл зүйн уналт — Michigan Consumer Sentiment

Мичиганы их сургуулийн 11-р сарын урьдчилсан хэрэглэгчдийн итгэл үнэмшлийн индекс:

• 3 жилийн хамгийн доод түвшинд хүрэв.
• 2024 оны 11-р сарынхаас хойш нийт 29.9%-иар буурсан.
  → АНУ-ын shutdown эдийн засгийн талаарх албан ёсны мэдээллийн урсгалыг зогсоосон нь болгоомжлолыг улам нэмэгдүүлэв.

“Засгийн газрын мэдээлэл цацагдахгүй байгаа нь Federal Reserve-ийн ажилд хүндрэл үүсгэж, зах зээлд тодорхой бус байдлыг нэмэгдүүлж байна.”

🌏 Худалдааны талбар — АНУ–Хятадын тааламжгүй уур амьсгал

📊 Индексуудын хаалтын дүн

• Dow Jones: +74.80 (0.16%) → 46,987.10
• S&P 500: +8.48 (0.13%) → 6,728.80
• Nasdaq Composite: -49.45 (0.21%) → 23,004.54

🏢 III улирлын ашиг: хүчтэй

S&P 500 компанийн үзүүлэлт:

• 446 нь тайлангаа гаргасан
• 83% нь хүлээлтээс давсан ашигтай
• Орлогын өсөлт: жилд 16.8%

📉 Хувьцааны хөдөлгөөн

• Microchip Technology: -5.2% (борлуулалтын таамаг доогуур)
• Tesla: -3.7% (Elon Musk-ийн түүхэн дэх хамгийн том цалин урамшууллыг батлав)
• Expedia: +17.6% (B2B сегмент өсөлт)
• Block Inc: -7.7% (ашгийн төсөөлөл хүрээгүй)
• Take-Two Interactive: -8.1% (GTA VI — 2026 оны 11 сар хүртэл хойшлов)

📢Өнөөдрөөс хөрөнгө оруулж эхэлье! 🚀📈
Unet SC апп-аа татаж амжаагүй бол яг одоо татаж аваарай. Хөрөнгө оруулагч болоход хаанаас эхлэхээ мэдэхгүй байгаа бол бид тусалъя⬇️