ДОТООД МЭДЭЭ

Монголын хөрөнгийн бирж

ГОВЬ ХК-ИЙН ХУВЬЦАА -3.53%-ИАР УНАЖ СҮҮЛИЙН 6 САРЫН ДООД ХАНШИД ХҮРЭЭД БАЙНА

[ХЗЗ-ийн тойм: 2025.10.10] Баасан гарагийн арилжааны дүнд ТОП-20 индекс -0.09%-ийн, MSE A индекс -0.23%-ийн бууралт, II ангилалын MSE B индекс +0.67%-иар өсөж хаагдсан байна. [MSE:BODI] Бодь даатгал ХК (+8.51%), [MSE:UID] Улсын их дэлгүүр ХК (+2.89%), [MSE:GAZR] Газар шим үйлдвэр ХК (+2.44%)-ийн өсөлт үзүүлсэн нь MSE B индексийн өсөлтөд дэмжлэг боллоо.

Үнэт цаасны арилжааны хувьд 493,720 ширхэг үнэт цаас 657.1 сая төгрөгөөр арилжигдсан бөгөөд энэ долоо хоногт нийт 4.28 тэрбум төгрөгийн арилжаа явагдсан байна.

Шигтгээ: [MSE:GOV] Говь ХК-ийн хувьцааны ханш -3.53%-иар унаж 228.55₮-т хаагдсанаар сүүлийн 6 сарын доод ханшид хүрээд байна. Өнөөдрийн бууралд тус компанийн зах зээлийн үнэлгээг -6.5 тэрбум төгрөгөөр бууруулж 178.3 тэрбум төгрөгийн компани боллоо.

ЗГДҮЦ-НЫ АНХДАГЧ ЗАХ ЗЭЭЛИЙН АРИЛЖАА 2025 ОНЫ 10 ДУГААР САРЫН 15-НЫ ӨДӨР ЯВАГДАНА

“Монголын хөрөнгийн бирж” ХК-ийн Гүйцэтгэх захирлын Засгийн газрын үнэт цаас бүртгэх тухай 2025 оны 10 дугаар сарын 08-ны өдрийн А/427 дугаар тушаалаар Засгийн газрын купонтой 5 жилийн хугацаатай дотоод үнэт цаасыг Монголын хөрөнгийн биржийн үнэт цаасны бүртгэлд бүртгэлээ.

Анхдагч зах зээлийн арилжааг 2025 оны 10 дугаар сарын 15-ны өдрийн 10:00 цагт зохион байгуулах ба нэг бүр нь 100,000 төгрөгийн нэрлэсэн үнэтэй, 40,000 ширхэг, 4.0 тэрбум төгрөгийн үнийн дүн бүхий купонтой ЗГДҮЦ-ыг олон нийтэд санал болгож, нийт 4.0 тэрбум төгрөгийг татан төвлөрүүлэх ба хөрөнгө оруулагч та бүхэн анхдагч болон хоёрдогч зах зээлийн арилжаанд өөрийн харилцдаг үнэт цаасны компаниар дамжуулан оролцоно уу. 

• Үнэт цаасны арилжааны мэдэгдэлтэй энд дарж танилцана уу.

• Засгийн газрын дотоод үнэт цаасны арилжааны талаарх дэлгэрэнгүй инфографик мэдээлэлтэй энд дарж танилцана уу.

Эх сурвалж: https://www.mse.mn/mn

ИНФЛЯЦ 9.0 ХУВЬД ХҮРЧЭЭ

2025 оны есдүгээр сард Монгол Улсад хэрэглээний бараа, үйлчилгээний үнэ өнгөрсөн оны мөн үеийнхээс 9.0 хувиар, өмнөх сарынхаас 0.2 хувиар өссөнийг Үндэсний статистикийн хороо мэдээлэв.

Өнгөрсөн оны есдүгээр сард инфляц 6.3 хувь байсан бол энэ жил 9.0 болжээ.  Үнийн өсөлтөд дотоод болон импортын бараа нөлөөлсөн байна. Үүнд мах, хатуу түлш, шатахуун хамаарахгүй.

Инфляцын есөн хувийн өсөлтөөс: Хүнсний бараа, ундаа, усны бүлэг-2.8 нэгж хувь (31.4 хувь),

Орон сууц, ус, цахилгаан, түлшний бүлэг-1.9 нэгж хувь (20.5 хувь) тус бүрийн үнийн өсөлтөөс шалтгаалсан байна.

Нэг сарын дотор буюу наймдугаар сараас есдүгээр сар хүртэл 0.2 хувийн өсөлт гарсан нь голчлон гэр ахуйн бараа (1.9 хувь) болон хувцас, гутлын (0.8 хувь) үнийн өсөлттэй холбоотой. Нийт дүнгээр инфляцын 26.4 хувь буюу 2.4 нэгж хувь нь импортын барааны үнийн өсөлтөөс шалтгаалсан гэж дүгнэжээ.

ГАДААД МЭДЭЭ

Д.ТРАМП: ХЯТАДЫН БАРААНД НЭМЭЛТ 100 ХУВИЙН ТАТВАР НОГДУУЛНА

ВАШИНГТОН, 2025 оны аравдугаар сарын 11 /AP/. Хятад улс газрын ховор элементийн экспортод хязгаарлалт тогтоосонтой холбогдуулан тус улсын бараанд хэдийн ногдуулаад буй татвар дээр 100 хувийн татвар нэмж ногдуулна гэж АНУ-ын Ерөнхийлөгч Дональд Трамп мэдэгджээ.

“Хятадын цаашид авах арга хэмжээ, өөрчлөлтөөс хамааран” нэмэлт татвар ирэх 11 дүгээр сарын 1-нээс юм уу түүнээс эрт үйлчилж эхэлнэ гэж АНУ-ын Ерөнхийлөгч хэлсэн байна. Тэрбээр мөн “бүх чухал программ хангамжид” экспортын хязгаарлалт тавихаар төлөвлөж байгаагаа дурджээ.

“Хятад улс 2025 оны 11 дүгээр сарын 1-нээс эхлэн үйлдвэрлэсэн бүтээгдэхүүн болгондоо томоохон хэмжээний экспортын хязгаарлалт тавих гэж байгаагаа илэрхийлсэн захидал илгээж, худалдааны тал дээр маш түрэмгий байр суурь баримталж байгааг саяхан мэдсэн” гэж Д.Трамп “Truth Social” хуудсандаа бичсэн байна.

Үүний дараа Д.Трамп хариу арга хэмжээнүүдийг зарласан бөгөөд Хятадын импортод ногдуулаад буй АНУ-ын 30 хувийн татвар дээр 100 хувийн татвар нэмэгдсэнээр тус улсын бараа бүтээгдэхүүнд 130 хувийн татвар ногдуулна гэсэн үг юм. Шинэ тариф нь Д.Трампыг үүрэгт ажилдаа орсны дараахан буюу энэ оны эхээр эхэлсэн худалдааны дайныг дахин эхлүүлэх аюул нүүрлүүлж байна. Хоёр улсын төлөөлөгчид хэд хэдэн удаагийн хэлэлцээний дараа харилцан бие биедээ өндөр татвар ногдуулахаа түр хойшлуулаад байгаа юм.

Баасан гаргийн өглөө Д.Трамп Өмнөд Солонгост гурван долоо хоног орчмын дараа БНХАУ-ын дарга Ши Жиньпинтэй хийхээр төлөвлөсөн уулзалтаа цуцална гэж сүрдүүлсэн байна. Хятад улс газрын ховор элементийн экспортын хязгаарлалтыг эрс өргөжүүлж байгаагаа зарласны дараа уулзалт хийх шалтгаан байхгүй гэж АНУ-ын Ерөнхийлөгч мэдэгджээ.

Гэсэн хэдий ч баасан гаргийн орой Д.Трамп Зууван танхимд сэтгүүлчдэд уулзалтыг цуцлаагүй гэж хэлсэн байна. “Үгүй ээ, би уулзалтыг цуцлаагүй байгаа, гэхдээ бид уулзах эсэхийг хэлж мэдэхгүй байна. Миний хувьд тэнд очих болно, тиймээс уулзалт болох байх гэж бодож байна” хэмээн тэрбээр ярьжээ.

Технологийн үйлдвэрлэлд зайлшгүй шаардлагатай газрын ховор элементийн зах зээлд Бээжин ноёрхдог. Д.Трамп, Ши Жиньпин нарын уулзалтын талаар АНУ-ын Ерөнхийлөгч анх зарласан боловч Хятадын тал үүнийг баталсан мэдэгдлийг одоогоор хийгээгүй байгаа ажээ. 

Wall Street

УОЛЛ СТРИТ – ИРЭХ 7 ХОНОГИЙН ХҮЛЭЭЛТ: БАНКНЫ АШИГ БА ЭДИЙН ЗАСГИЙН “МАНАН” ДУНД ЧИГ ОЛОХ ОРОЛДЛОГО

💰НЬЮ-ЙОРК, 10-р сарын 10 (Reuters) — Хөрөнгө оруулагчид АНУ-ын эдийн засгийг тодорхойлоход туслахын тулд ирэх долоо хоногт томоохон банкуудын улирлын ашиг орлогын тайлангуудыг анхааралтай ажиглах гэж байна.  Засгийн газрын “shutdown” (түр зогсолт) нь шинэ эдийн засгийн мэдээллийн урсгалыг тасалдуулсан нь тодорхойгүй байдлыг улам нэмэгдүүлжээ.

📉 Баасан гарагт АНУ-ын гол хөрөнгийн индексүүд уналттай хаагдсан. Ерөнхийлөгч Дональд Трампын Хятадын талаарх мэдэгдэл нь худалдааны хурцадмал байдлыг нэмэгдүүлж, зах зээлийн уур амьсгалыг сөргөв. Үүний дараагаар S&P 500 индекс нь сүүлийн гурван жилийн турш үргэлжилсэн “BULL” (өсөлтийн) цикл-ийнхаа ойг тэмдэглэх гэж байв.
📊 АНУ-ын хувьцааны үнэлгээ сүүлийн 5 жилийн хамгийн өндөр түвшинд хүрч, технологи болон хиймэл оюун ухааны салбарын хэт өөдрөг хандлага нь эрсдэлийг дагуулж буй энэ үед гуравдугаар улирлын хүчтэй ашиг нь өсөлтөө хадгалахад чухал үүрэг гүйцэтгэх юм.

🏦 Энэ долоо хоногт эхлэх банкны тайлангууд:

• JPMorgan 🏛️
• Goldman Sachs
• Wells Fargo
• Citigroup
• Bank of America
• Morgan Stanley

💡 Horizon Investment Services-ийн гүйцэтгэх захирал Чак Карлсон:

“Зах зээлийн өөдрөг үзэл нь ашиг өснө гэсэн хүлээлтэд тулгуурлаж байгаа. Хэрвээ энэ найдвар ‘цөмөрвөл’, зах зээл бүхэлдээ доргино.”

⚠️ Үүнээс гадна хөрөнгө оруулагчид Вашингтонд болсон Засгийн газрын шатдаун-ы асуудлыг анхаарч байна. Хэрвээ Республикан, Ардчилсан нам тохиролцохгүй хэвээр байвал эдийн засагт эрсдэл нэмэгдэж, аялал жуулчлалын салбарт сөрөг нөлөө үзүүлэх нь тодорхой болжээ.

📆 Shutdown-ы улмаас эдийн засгийн мэдээлэл хойшлогдож байна:

• Хөдөлмөрийн зах зээлийн тайлан (Oct 3) — хойшлогдсон
• Инфляцийн (CPI) тайлан — анх энэ долоо хоногт гарах байсан ч 10-р сарын 24-нд нийтлэнэ гэж Статистикийн товчоо мэдэгдэв

📉 Oxford Economics-ийн эдийн засагч Майкл Пирс хэлэхдээ:

“Хэрвээ шатдаун дараагийн долоо хоног хүртэл үргэлжилбэл, 10-р сарын хөдөлмөрийн тайлан ч ойлгомжгүй болно. Одоо эдийн засгийн ‘манан’ улам өтгөрч байна.”

🟢 Дүгнэлт:
Хөрөнгө оруулагчид одоо “манан дунд гэрэл хайж” байна — банкуудын ашиг, хэрэглэгчийн зарцуулалт, инфляцийн чиг хандлага нь АНУ-ын эдийн засгийн ирээдүйн дүр зургийг тодорхойлох гол үзүүлэлтүүд байх болно. 💵📈

📢Багаас эхэл, томыг зорь. UNET SC чамтай хамт алхана.🤝
Та хөрөнгө оруулалтыг хаанаас эхлэхээ мэдэхгүй байна уу? Бид танд тусалъя.