Та манай брокертой холбогдож өөрийн овог, нэр, регистрийн дугаараа хэлж шалгуулах боломжтой.

Брокертой холбогдох бол 7700 9090 утсаар холбогдоно уу.

МХБ – ийн арилжаа ДАВАА-БААСАН гарагийн 10:00-13:00 цагийн хооронд хийгддэг. Та арилжаа хаагдсаны дараа захиалга өгсөн бол дараагийн ажлын өдөр захиалга нь орно. Мөн зах зээлийн захиалгыг бирж хаалттай байх хугацаанд өгөх боломжгүйг анхаарна уу.

Топ 20 – МХБ-ийн “Үнэт цаасны үнийн индекс тооцоолох журам”-ийн дагуу бүртгэлтэй компаниудыг зах зээлийн үнэлгээ, арилжааны өдрийн дундаж гүйлгээ, арилжаанд орсон өдрийн тоо, төвлөрлийн байдал зэрэг үзүүлэлтүүдээр үнэлж, ТОП-20 индексийн багцыг бүрдүүлэх ба багцыг жил бүр шинэчилдэг.

MSE A – 2018 оны 1 дүгээр сарын 2-ний өдрөөс эхлэн тус индексийг тооцоолж эхэлсэн бөгөөд индексийн багцад МХБ-ийн үнэт цаасны бүртгэлийн I ангилалд багтсан компаниудын үнэт цаас орно.

MSE B – 2018 оны 1 дүгээр сарын 2-ний өдрөөс эхлэн тус индексийг тооцоолж эхэлсэн бөгөөд индексийн багцад МХБ-ийн үнэт цаасны бүртгэлийн II ангилалд багтсан компаниудын үнэт цаас орно.

Үнэт цаас гаргагч нь анх удаа хөрөнгөөр баталгаажсан үнэт цаас, бонд болон хувьцаагаа олон нийтэд нээлттэй санал болгохыг анхдагч зах зээл гэнэ.

Харин хоёрдогч зах зээл гэж аль хэдийн анхдагч зах зээлд арилжаалагдсан бүтээгдэхүүнийг авч зарах үйл ажиллагааг хэлнэ.

Боломжтой. Та үнэт цаасны компанидаа хандан хүсэлтээ гаргах боломжтой.

Та 5 хүртэлх ҮЦК -д үнэт цаасны данс нээлгэх боломжтой тул та өөр ҮЦК -д данстай байсан ч манайд данс нээлгэх боломжтой.

Ногдол ашгийн татвар –  5%,

Хаалттай бондын Татвар –  10%

Нээлттэй бондын татвар –  5%

Хөрөнгө оруулалтын хувьцааны хэлбэрээс хоёр аргаар өгөөж хүртэх боломжтой ба ногдол ашиг болон зах зээлийн ханшийн өсөлтөөс ашиг хүртэх боломжтой. Харин бондын хувьд одоогоор  хүүгийн ашиг хүртэх боломжтой байна.

Компанийн ашгаас хөрөнгө оруулагчдад хуваарилж буй хэсгийг ногдол ашиг гэнэ.

Хувьцаа нь компанийн тодорхой хэсгийг эзэмших эрхийг хэлэх буюу компанид хөрөнгө оруулж, түүнийг үндэслэн хувьцаа эзэмшигчдийн хуралд оролцож санал өгөх, ногдол ашиг авах, компанийг татан буулгасны дараа үлдсэн эд хөрөнгийг худалдан борлуулснаас олсон орлогоос хувь хүртэх болон хуулиар тогтоосон бусад эрхийг гэрчилсэн үнэт цаас юм.

Бонд нь тодорхой хэмжээний мөнгийг тогтоосон хугацаа, хүү болон бусад нөхцөлтэйгөөр зээлсэн болохыг гэрчилсэн үнэт цаас юм.

Та үнэт цаасн данстай эсэхээ 2 аргаар шалгах боломжтой.

• “Үнэт Цаасны Төвлөрсөн Хадгаламжийн Төв” ХХК – ийн цахим хуудсаар орж, регистрийн дугаараа оруулж шалгах
• 158989 дугаар луу өөрийн регистрийн дугаараа латин үсгээр илгээснээр мэдэх боломжтой.

Үнэт цаасны компани гэдэг нь СЗХ – с олгогдох тусгай зөвшөөрлийн хүрээнд брокер, дилер, хөрөнгө оруулалтын зөвлөх болон андеррайтертийн үйл ажиллагааг аль нэгийг нь эсвэл хавсран эрхэлж үйл ажиллагаагааа явуулдаг мэргэжлийн байгууллага юм. Брокерийн үйлчилгээ үзүүлэх тусгай зөвшөөрөлтэй үнэт цаасны компани нь таны нэрийн өмнөөс, таны өгсөн захиалгаар биржийн болон биржийн бус зах зээлийн арилжаанд оролцоход зуучилдаг байгууллага юм.