“Үнэт секьюритис ҮЦК” ХХК нь хувь хүн болон байгууллагын хөрөнгө оруулагчдад хувьцаа болон бондын арилжаанд зуучлах, хөрөнгийн зах зээлийн зөвлөгөө, мэдээлэл хүргэх, мөн хөрөнгийн удирдлага, санхүүгийн төлөвлөлт хийхэд шаардлагатай мэдээллээр хангах зэрэг хөрөнгө оруулалтын цогц үйлчилгээг үзүүлдэг үнэт цаасны компани юм.
Манай ҮЦК нь нийт харилцагчдаа хүрч үйлчлэхийг зорилт болгон ажилладаг бөгөөд дотоод болон гадаад зах зээлийн мэдээ, мэдээллийг мэргэжлийн түвшинд дүн шинжилгээ хийсний үндсэн дээр харилцагчдын хөрөнгө оруулах сонирхол, эрсдэлийн түвшинд нийцсэн багц бүтээгдэхүүн, үйлчилгээг хурдан, шуурхай, найдвартай үзүүлдэг.
Өрсөлдөж биш хамтарч, өмчилж биш хуваалцана
Хамтын хүчээр үндэсний тэргүүлэх нээлттэй компани болно
Хөрөнгө оруулагч бай
Эрхэм хүндэт харилцагчид, хөрөнгө оруулагчид, хамтран ажиллагсад болон салбарын түншүүд ээ,
Сайн байцгаана уу ?
“Үнэт Секьюритис” ҮЦК-ийн нэрийн өмнөөс Та бүхэнд энэхүү мэндчилгээг дэвшүүлж, ажлын өндөр амжилт, эрүүл энх, сайн сайхны дээдийг хүсэн ерөөе.
Бидний эрхэм зорилго бол олон улсын шилдэг туршлагыг Монголын хөрөнгийн зах зээлд амжилттай нутагшуулж, харилцагч, хөрөнгө оруулагч та бүхэнтэй урт хугацаанд итгэлцэлд суурилсан, үр дүнтэй хамтын ажиллагааг хөгжүүлэх явдал юм.
Манай компани нь ил тод байдал, тогтвортой үйл ажиллагааг эрхэмлэн, зах зээлийн өөрчлөлт бүрийг боломж болгон хөрөнгө оруулагчдынхаа өмнө шинэ гарцуудыг нээхийн төлөө үргэлж хичээн ажилласаар ирсэн. Бид өөрсдийн мэдлэг чадвар, мэргэжлийн ёс зүй, туршлагадаа үндэслэн хөрөнгө оруулалтын оновчтой шийдлүүдийг танд хүргэж ажиллах нь цаашид ч бидний тэргүүн зорилт хэвээр байх болно.
Та бүхний итгэл, дэмжлэг бол бидний хамгийн үнэт хөрөнгө бөгөөд энэхүү итгэлцэл дээр суурилан илүү өргөн хүрээтэй, үр ашигтай хамтын ажиллагааг цаашид ч үргэлжлүүлнэ гэдэгт гүнээ итгэж байна.
Хөрөнгө оруулалтын ертөнцөд эрсдэл, боломж үргэлж зэрэгцэн оршдог. Бид эдгээрийг тэнцвэртэйгээр удирдан, хамтдаа өсөж хөгжихийг зорин ажиллах болно.
Та бүхэнд гүн талархал илэрхийлье. Хамтын алхам бүхэн үр дүнтэй, ирээдүй бүр гэрэлтэй байх болтугай.
Хүндэтгэсэн,
Э.Нямбаяр
/Гүйцэтгэх захирал/
© 2025 он. Unet Securities SC. Бүх эрх хуулиар хамгаалагдсан. Вэб хөгжүүлэгч Mind Agency